Orkestra Kalush është fituese e Eurovizionit 2022 dhe ka thënë se i është “mirënjohës” Mbretërisë së Bashkuar për solidaritetin e treguar për Ukrainën në lidhje me organizimin e Eurovizionit vitin e ardhshëm.

Organizatorët e Unionit Evropian të Transmetuesve (EBU) kanë vendosur se konkursi i Eurovizionit nuk mund të mbahet në Ukrainë.

Të hënën e 25 korrikut është njoftuar se Mbretëria e Bashkuar do të jetë vendi i organizimit të Eurovizionit, pasi ky vend ishte në vendin e dytë në listën e shteteve fituese.

Pas zyrtarizimit të lajmit, Oleh Psiuk nga Orkestra Kalush për agjencinë e lajmeve PA është shprehur se janë shumë të trishtuar që Eurovision Song Contest nuk do të mbahet në Ukrainë vitin e ardhshëm.

Psiuk ka shtuar se i janë mirënjohës Britanisë së Madhe për solidaritetin e tyre dhe për pranimin e mbajtjes së festivalit në mbështetje të Ukrainës.

“Shpresojmë që Eurovision 2023 të ketë një aromë ukrainase dhe të festojë kulturën tonë të bukur dhe unike”.

Ku do të mbahet festivali i këngës “Eurovizion” më 2023?