Vuçiq para vizitës së emisarëve: Jam për hapa të vegjël, mos të presim ndonjë marrëveshje të madhe

Presidenti i Serbisë, Aleksandër Vuçiq, një ditë para vizitës së emisarëve në Kosovë dhe Serbi, ka thënë se “nuk duhet të ëndërrojmë për diçka që të gjithë e dimë se nuk do të ndodhë”

Presidenti i Serbisë, Aleksandër Vuçiq

Presidenti i Serbisë, Aleksandër Vuçiq, më parë parapëlqen të bëjë hapa të vegjël kur bëhet fjalë për marrëveshjen gjithëpërfshirëse përfundimtare në mes të Kosovës dhe Serbisë, sesa çështja të përfundojë me një marrëveshje të madhe që do të përfshinte njohjen e Kosovës.

Në një intervistë për Bloomberg, Vuçiq ka thënë se nuk duhet “të ëndërrojmë” për diçka që, sipas tij, “dihet” se nuk do të ndodhë.

“Duhet të ndryshojmë situatën në terren me hapa të vegjël, të ndërtojmë besimin mes dy palëve dhe më pas të shohim se si mund t’i qasemi çdo gjëje tjetër. Ne nuk duhet të ëndërrojmë për diçka që të gjithë e dimë se nuk do të ndodhë”, ka thënë Vuçiq, shkruan Danas.

Presidenti serb, po ashtu, i ka shprehur mirënjohje Moskës për mbështetjen e saj në lidhje me Kosovën.

“Ne jemi mirënjohës Rusisë për mbështetjen e saj në lidhje me Kosovën. Serbia për këtë arsye nuk mund të mbështesë sanksionet ekonomike kundër Moskës”, ka thënë ai.

Ai tregoi se si lider serb ka zhvilluar dhjetëra takime me presidentin e Rusisë, Vladimir Putin, në vitet e mëparshme.

“Ne thamë që në fillim se nuk jemi në gjendje dhe nuk mund të mbështesim pushtimin e Ukrainës nga Rusia. Për ne, Krimea dhe Donbasi janë territore ukrainase dhe kështu do të mbeten”, shtoi ai.

Ndryshe, përfaqësues të lartë të Bashkimit Evropian dhe Shteteve të Bashkuara të Amerikës pritet ta vizitojnë të premten Prishtinën.

Kështu ka thënë zëdhënësi i BE-së, Peter Stano, në një konferencë për media, ku e ka konfirmuar vizitën e këtij delegacioni në Kosovë dhe Serbi.

I dërguari i Shteteve të Bashkuara të Amerikës, Gabriel Escobar, i dërguari i Bashkimit Evropian për dialogun, Miroslav Lajçak, këshilltarët për politikë të jashtme dhe siguri të Gjermanisë (Jens Plettner), të Francës (Emmanuel Bonne) dhe të Italisë, pritet të jenë në Kosovë.

“Vizitat e përfaqësuesve tanë njoftohen nga institucionet e BE-së. Vërtet emisari Lajçak do të udhëtojë këtë javë në rajon, që është në kuadër të tentimeve për ta avancuar dialogun e lehtësuar nga BE-ja. Lajçaku do ta vizitojë Kosovën e Serbinë këtë të premte”, ka thënë Stano.

Kosova pritet të vizitohet nga pesë diplomatë të fuqishëm ndërkombëtarë

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Të fundit nga rubrika