Presidenti i Serbisë, Aleksandër Vuçiq, ka postuar një fotografi në rrjetin social Instagram, ku shihet duke luajtur shah me një person, teksa në Bruksel po zhvillohen bisedimet në mes të Kosovës dhe Serbisë me ndërmjetësim të BE-së.
Ai këtë fotografi e ka postuar me mbishkrimin “Derisa presim përfundimin e bisedimeve dypalëshe Prishtinë-Bruksel”.
Kanë kaluar më shumë se katër orë qëkur takimi në Bruksel në mes të shefit të diplomacisë evropiane, Josep Borrell, përfaqësuesit të BE-së për dialogun, Miroslav Lajçak, kryeministrit të Kosovës, Albin Kurti dhe presidentit të Serbisë, Aleksandër Vuçiq në kuadër të dialogut Kosovë-Serbi ka filluar.
Në rrjetin social Facebook, zyrtarë të Vetëvendosjes kanë shpërndarë statuse të njëjta në mbështetje të kryeministrit, Kurti.
Ndërkaq, kryediplomati Borrell pritet të mbajë konferencë për media pas takimit.
Kalojnë mbi katër orë, ende nuk përfundon takimi trepalësh në Bruksel (VIDEO)