Ministrja për Evropën dhe Punët e Jashtme të Shqipërisë, Olta Xhaçka, ka pritur në takim homologun spanjoll, Jose Manuel Albares Bueno.
Në këtë takim, Xhaçka ka thënë se duhet të ketë një angazhim sa më të gjerë e sa më konstruktiv për anëtarësimin e Kosovës në organizata ndërkombëtare.
Në konferencën e përbashkët për shtyp pas takimit, Xhaçka ka thënë se çështja e Kosovës merr një rëndësi të veçantë, duke qenë një hallkë themelore për stabilitetin dhe sigurinë e Ballkanit.
Në takim, ndër të tjera, u diskutua për integrimin e Shqipërisë dhe Ballkanit Perëndimor në BE dhe u nënshkrua një memorandum bashkëpunimi në mes Shqipërisë dhe Spanjës.
Po ashtu, Xhaçka ka shprehur mirënjohje ndaj Mbretërisë së Spanjës për mbështetjen politike dhe teknike.
“Mirënjohje ndaj Mbretërisë së Spanjës për të gjithë mbështetjen e saj politike dhe teknike, e cila do të zgjerohet dhe strukturohet akoma edhe më mirë falë Memorandumit të Mirëkuptimit të nënshkruar sot”, thuhet në njoftim.