Zjarri në IML, Haliti: Nuk ka dëme të mostrave apo të mbetjeve mortore, ato janë të sigurta

Ditor Haliti, nga Instituti i Mjekësisë Ligjore (IML), ka thënë se nga zjarri i sotëm në këtë institut nuk ka dëmtime të mostrave apo të mbetjeve mortore dhe, sipas tij, të gjitha ato janë të sigurta

Ditor Haliti nga Instituti i Mjekësisë Ligjore (IML)

Ditor Haliti, nga Instituti i Mjekësisë Ligjore (IML), në një lidhje direkte në emisionin “FIVE” në RTV Dukagjini, ka thënë se ende nuk dihen shkaqet e zjarrit.

“Të gjitha ekipet e policisë, hetuesisë si dhe ekspertëve të elektroteknikës dhe të zjarrit kanë qenë në vendin e ngjarjes dhe janë duke u marrë ende me rastin. Sigurisht që raporti i tyre do të shkojë një herë tek prokurori i rastit dhe derisa nuk kemi asnjë prononcim nga prokurori, ne nuk kemi asnjë informatë se cilat mund të jenë shkaqet e zjarrit”, ka thënë Haliti.

Haliti ka thënë se është e rëndësishme të theksohet se nga ky zjarr nuk ka persona të lënduar.

“Nuk ka dëmtime në kuptim të mostrave, të arkivës, në laborator apo mbetjeve mortore, të gjitha ato janë të sigurta. Krejt se çfarë është dëmtuar janë dy zyre të ekspertëve mjekoligjorë në katin e dytë, dhe sigurisht është dëmtuar i gjithë dokumentacioni në ato zyre”, ka thënë tutje Haliti.

Sipas tij, dëmtimi i këtyre dokumentacioneve nuk mund të ketë ndikim në procedura penale. “I gjithë ky dokumentacion që ne kemi ekziston dhe kopja digjitale”, ka shtuar ai, duke theksuar se i vetmi dëm që mund të shkaktohet janë shënimet personale që secili mjek ligjor ka për detyrë që t’i mbajë gjatë përpunimit të rasteve.

Haliti nga IML-ja, për zjarrin në këtë institut në mars të këtij viti, ka potencuar se shkak ishte një defekt elektrik.

Lidhur me këtë rast, Prokuroria Themelore e Prishtinës ka bërë të ditur se ka nisur hetimet dhe se prokurori i shtetit ka lëshuar autorizime për ekzaminime nga vendi i ngjarjes.

“Ju njoftojmë se me të pranuar informatën nga Policia e Kosovës lidhur me incidentin e zjarrit në Institutin e Mjekësisë Ligjore në Prishtinë, Prokurori i Shtetit ka dalë në vendin e ngjarjes bashkë me të gjitha njësitet relevante për t’i ndërmarrë të gjitha veprimet e nevojshme hetimore”, ka deklaruar Prokuroria në një përgjigje për Portalin Dukagjini.

Lexo dhe: Zjarri në IML, Prokuroria: Kemi lëshuar disa autorizime për ekzaminime nga vendi i ngjarjes

“Prokurori i Shtetit ka lëshuar disa autorizime për kryerjen e ekzaminimeve nga vendi i ngjarjes dhe nga të gjeturat e tyre eventualisht në rast të paraqitjes së elementeve të veprës penale, do t’i ndërmarrë veprimet e mëtejme konform dispozitave të KPPRK-së”, thuhet në përgjigjen e Prokurorisë.

Nëse ekzaminimet konfirmojnë elemente të veprës penale, Prokuroria ka theksuar se do të ndërmerren veprime të mëtejshme në përputhje me dispozitat ligjore.

Në mëngjesin e kësaj të marteje ka shpërthyer një zjarr në objektin e Institutit të Mjekësisë Ligjore (IML) në Prishtinë.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika