Bordi i ZRrE-se në mbledhjen e thirrur për sot (e premte) ka miratuar raportet për të hyrat maksimale të lejuara të KOSTT-it, KEDS-it dhe KESCO-s.

Mirëpo, bordi deri më tani ka refuzuar të tregojë për ndikimin në tarifa.

ZRrE ka aprovuar KESCO-s të hyra në vlerë prej 435.9 milionë euro, apo rreth 36 milionë euro më shumë sesa vitin e kaluar (399.6 milionë euro).

Anëtarët e bordit të ZRrE-së nuk kanë pranuar pyetje nga gazetarë, gjithashtu ata kanë refuzuar të tregojnë përqindjen e rritjes eventuale.

ZRrE pritet ta rrisë çmimin e rrymës deri në 16 %

Sipas burimeve të Radio Evropës së Lirë, ZRrE pritet të marrë vendim sot për ta rritur çmimin e rrymës deri në 16 për qind për gjatë mbledhjes e cila është duke e mbajtur në këto momente.

Drejtori menaxhues i ZRrE-së, Petrit Pepaj, ka thënë gjatë mbledhjes së Bordit se kanë shqyrtuar ankesat dhe kanë analizuar shkaktarët e rritjes së kostos së shërbimit.

“Në detaje i kemi analizuar shkaktarët kryesore që kanë të bëjnë me rritjen e kostos shërbimit. I kemi 4 shkaktarë që kanë ndikuar, ndryshimet në kostot e blerjeve të energjisë nga furnizuesi me shërbim universal, ndryshimet në kostot e blerjes të energjisë nga operatori i sistemit të shpërndarjes, parashikimi i çmimeve të energjisë dhe importeve për 2025 dhe parashikimi për koston e shërbimeve ndihmëse për operatorin e sistemit të transmetimit. Në vlerësimet e 2025 është parashikuar edhe import pasi njësitë gjeneruese janë në planifikim të mirëmbajtjes”, ka thënë ai.

Lajmi në përditësim…