Të martën e 5 korrikut, Ministria e Shëndetësisë sipas të dhënave nga Instituti Kombëtar i Shëndetësisë Publike të Kosovës ka njoftuar se nga 609 testime, 213 qytetarë kanë rezoltuar pozitivë me COVID-19.
Ministria e Shëndetësisë ka njoftuar se gjatë 24 orëve të fundit nuk është shënuar asnjë rast i vdekjes.
Më 5 korrik janë shëruar 35 qytetarë, ndërsa numri i rasteve aktive është 1 mijë e 244.
Prej fillimit të vaksinimit në të gjitha qytetet e Kosovës janë dhënë 1 milion e 830 mijë e 795 doza të vaksinës dhe 823 mijë e 798 qytetarë janë vaksinuar me dozën e dytë.
