Për t’i kuptuar efektet e rregullores së BQK-së, i derguari i SHBA-ve për Ballkanin Perëndimor, Gabriel Escobar, ka udhëtuar në drejtim të Pejës, ku ka takuar drejtues të organizata joqeveritare të komunitetit serb.
Zyrtari i lartë amerikan, që ka qenë në shoqëri të ambasadorit amerikan Jeff Hovenier, tha se komuniteti serb janë duke vuajtur, e për këtë tha se janë të interesuar të punojnë me qeverinë për të gjetur zgjidhje urgjente.
Përderisa kjo çështje është e ditëve të fundit, Escobar, në një intervistë për një radio lokale në Pejë, foli edhe për planet afatgjate.
“Ende duhet të punojmë fort që të implemetojmë marrëveshjen historike që u arrit në mars të vitit të kaluar. Pra do të vazhdojmë të punojmë, por ndërkohë, mendoj se të gjithë njerëzit në Kosovë, mund të llogarisin në mbështetjen amerikane”, tha emisari i ShBA-së, Gabriel Escobar.
Gjatë qëndrimit në këtë komunë, ai takoi edhe kryetarin Gazmend Muhaxheri.
Escobar e Hovenier në agjendë patën një vizitë në një tjetër lokacion shumë të përmendur këto dy ditë.
Detaje nga vizita e tij në Manastir nuk dha veçse e morri rrugën për Prishtinë ku po e priste Kryeministri i Kosovës, Albin Kurti.
Në ndërkohë, televizioni ka qëndruar gjatë ditës edhe në Komunën e Decanit atje ku ishte thirrur një takim me Këshillin Komunal për Siguri në Bashkësi, por as gjatë të enjtes, kryetari i Komunës se Decanit, Bashkim Ramosaj as kabineti i tij nuk patën vullnetin të flasim për zhvillimet e fundit rreth tokave pranë Manastirit.
Reagimi i vetëm i tyre u bë gjatë së mërkurës, që urdhërin e kryeministrit Kurti e konsideruan një goditje të radhës për komunën e Deçanit.
Por këtë e bënë edhe njëherë së bashku shtetet e QUINT-it, që e quajtën hap në përputhje me aspiratat evropiane dhe euroatlanike.