Parlamenti i Malit të Zi, me 50 vota për e ka votuar mocionin e mosbesimit ndaj qeverisë së tashmë ish-kryeministrit Dritan Abazoviq.
Ky mocion ishte iniciuar nga partia e presidentit Millo Gjukanoviq, si pasojë e nënshkrimit të marrëveshjes themelore me Kishën Ortodokse serbe, nga Abazoviq.
Kjo seancë, zgjati gati 13 orë, ku pati diskutime e përplasje në mes të Abazoviqit, dhe përkrahësve të mocionit.
Gjatë këtyre diskutimeve, Abazoviq, kishte thënë se një nga arsyet që po tentohej ta rrëzonin qeverinë e tij, ishte fakti se i takonte nacionalitetit shqiptar.
Pas seancës në një konferencë për media, ai u tha gazetarëve se ishte krenar për punët që i ka bërë në 100 ditë dhe se qeveria e tij do të “mbahet mend si qeveria më e shkurtër, por ajo që kishte detyra të vështira”.
Dritan Abazoviq ka uruar koalicionin e ri të Alekse Beçiqit dhe Milo Gjukanoviqit.
Ai tha se shpreson që së shpejti të arrihet një marrëveshje.
“Nga sot situata është më e lehtë për ne – këtë vend do ta udhëheqin ose kriminelët ose qytetarët. Ne jemi në anën e qytetarëve”, tha Abazoviq.
Abazoviq, ishte zgjedhur kryeministër me 28 prill të vitit 2022. Për zgjedhjen e tij në krye të qeverisë malazeze, kishin votuar 45 deputetë, ndërsa kundër ishin vetëm tre të tjerë.