Sipas të dhënave nga Instituti Kombëtar i Shëndetësisë Publike të Kosovës, Ministria e Shëndetësisë ka informmuar se të mërkurën e 29 qershorit nga 986 testime, 177 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Më 29 qershor janë shëruar 13 qytetarë, derisa numri i përgjithshëm i të shëruarve është 225 mijë e 424.
Në total numri i rasteve aktive në vend është 486.
Në 24 orët e fundit janë dhënë 70 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1 milion e 830 mijë e 533 doza të vaksinës.
Deri më tani 903 mijë e 426 qytetarë janë vaksinuar me dozën e parë, me dozën e dytë 823 mijë e 716, ndërsa 103 mijë e 203 janë vaksinuar me dozën përforcuese kundër COVID-19.
