Nënkryetarja e Partisë Demokratike të Kosovës (PDK), Vlora Çitaku, i ka reaguar ministrit të Infrastrukturës, Liburn Aliu, duke thënë se qeveritë janë të përkohshme, ndërsa Kosova është e përjetshme.

“Nuk mundesh me e dashtë Shqipërinë duke e urrejtë Kosovën. Qeveritë janë të përkohshme. Kosova është e përjetshme”, ka shkruar Çitaku.

Reagimi i nënkryetares Çitaku vjen pasi ministri Aliu ka thënë se është ministër i një shteti të përkohshëm.

Lexo dhe: “Bashkimi kombëtar”, Aliu: Jam ministër i një shteti të përkohshëm

Këtë deklaratë ai e ka bërë duke aluduar se në të ardhmen Kosova dhe Shqipëria do të jenë një shtet.