Në një deklaratë të tij, David Cameron ka njoftuar se është emëruar Sekretar i Jashtëm nga Kryeministri i Britanisë së Madhe, Rishi Sunak.
Cameron ka theksuar rëndësinë e kohës së ndryshimeve globale dhe sfidave ndërkombëtare që po përballemi.
“Kryeministri më ka kërkuar që të shërbej si Sekretar i Jashtëm i tij dhe unë e kam pranuar me kënaqësi. Ne po përballemi me një sërë sfidash të frikshme ndërkombëtare, duke përfshirë luftën në Ukrainë dhe krizën në Lindjen e Mesme. Në këtë kohë të ndryshimeve të thella globale, rrallë ka qenë më e rëndësishme që ky vend të qëndrojë pranë aleatëve tanë, të forcojë partneritetet tona dhe të sigurohet që zëri ynë të dëgjohet”, ka shkruar Cameron.
Më tej ai theksoi rëndësinë e punës së Britanisë në skenën ndërkombëtare dhe rolin e saj në sigurinë globale.
“Britania është një vend vërtet ndërkombëtar. Njerëzit tanë jetojnë në të gjithë botën dhe bizneset tona tregtojnë në çdo cep të globit. Puna për të ndihmuar në sigurimin e stabilitetit dhe sigurisë në skenën globale është thelbësore dhe krejtësisht në interesin tonë kombëtar”.
Cameron theksoi kujdesin për shërbimin publik dhe pasionin që e motivoi të angazhohej në politikë dhe shërbimin qeveritar.
“Ndërsa kam qenë jashtë politikës së vijës së parë për shtatë vitet e fundit, shpresoj që përvoja ime – si Lider Konservator për njëmbëdhjetë vjet dhe Kryeministër për gjashtë vjet – do të më ndihmojë të ndihmojë Kryeministrin për të përballuar këto sfida jetike”, vijon ai.
Ndër të tjera, ai shprehu mbështetjen e tij për kryeministrin, Rishi Sunak dhe thotë se vendosi të kthehet në politikë për të kontribuar në të ardhmen e vendit të tij.
“Siguria ndërkombëtare është jetike për sigurinë tonë të brendshme. Megjithëse mund të mos kem qenë dakord me disa vendime individuale, e kam të qartë se Rishi Sunak është një kryeministër i fortë dhe i aftë, i cili po tregon lidership shembullor në një moment të vështirë”, ka theksuar Cameron.
Ai ka përfunduar duke shprehur gatishmën e tij për të ofruar udhëheqjen dhe mbështetjen e nevojshme për ekipin qeveritar dhe stafin e shërbimit të jashtëm për të përmbushur detyrat e tyre në shërbim të Mbretërisë së Bashkuar.
“Unë dua ta ndihmoj atë për të ofruar sigurinë dhe prosperitetin që i duhen vendit tonë dhe të jetë pjesë e ekipit më të fortë të mundshë që i shërben Mbretërisë së Bashkuar dhe që mund t’i prezantohet vendit kur të zhvillohen Zgjedhjet e Përgjithshme. Unë besoj në shërbimin publik”, ka përfunduar ai.
The Prime Minister has asked me to serve as his Foreign Secretary and I have gladly accepted.
We are facing a daunting set of international challenges, including the war in Ukraine and the crisis in the Middle East. At this time of profound global change, it has rarely been more…
— David Cameron (@David_Cameron) November 13, 2023