Platforma “Liria ka Emër” ka njoftuar për organizimin e protestave në katër qytete evropiane, ku qytetarë nga diaspora pritet të mblidhen me moton “Jo në emrin tim”.
Tubimet do të mbahen në Mynih dhe Aachen të Gjermanisë, Lozanë të Zvicrës dhe Malmö të Suedisë.
Në Mynih, protesta është planifikuar të nisë në orën 17:30 në Geschwister-Scholl-Platz, ndërsa në Aachen tubimi do të mbahet nga ora 14:00 deri në 17:00.
Në Lozanë, protesta është paralajmëruar të nisë në orën 15:00, ndërsa në Malmö në orën 14:00.
Sipas organizatorëve, protestat janë pjesë e aktiviteteve të diasporës në vende të ndryshme, në mbështetje të ish-krerëve të UÇK-së.
Protestat pasojnë vendimin e Dhomave të Specializuara në Hagë, përmes të cilit katër ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi, u dënuan me gjithsej 81 vjet burgim.