Dodik: Të hënën e marrim një vendim të përbashkët me Vuçiq për pjesëmarrje ose jo në Samitin e Tiranës

Presidenti i Republikës Srpska, Milorad Dodik, ka thënë se të hënën e pesë dhjetorit, bashkë me presidentin serb, Aleksandër Vuçiq do të marrin një vendim të përbashkët nëse do të marrin pjesë apo jo në Samitin në Tiranë

Milorad Dodik dhe Aleksandër Vuçiq





Të hënën e pesë dhjetorit, presidenti i Republikës Srpska, Milorad Dodik, bashkë me presidentin e Serbisë, Aleksandër Vuçiq, do të vendosin nëse do të jenë pjesëmarrës në Samitin e Bashkimit Evropian, në Tiranë.

Dodik ka thënë se nëse presidenti serb nuk do të marrë pjesë në këtë samit, atëherë prania e Republika Srpska do të jetë e diskutueshme.

“Ndoshta Bashkimi Evropian nuk do të bëj asnjë përpjekje për të siguruar praninë e presidentit Vuçiç, por e rëndësishme është që nesër gjatë ditës të marrim një qëndrim të përbashkët nëse do të shkojmë apo jo”, ka thënë Dodik për Tanjug.

Dodik ka theksuar se në vlerësimin e tij për marrëdhëniet e bashkësisë ndërkombëtare me Kosovën, “Vuçiç ka shënuar shumë qartë të gjitha pikat e rëndësishme të marrëdhënies së padrejtë të vetë Bashkimit Evropian”.

“Kështu që nesër, pas bisedës së tij me njerëz të rëndësishëm, do të flasim sërish dhe do të harmonizojmë qëndrimin tonë”, ka thënë ai duke shtuar se “do t’i koordinojmë të gjitha me presidentin Vuçiq”.

Ndërkaq, kryeministri i Shqipërisë, Edi Rama, gjatë një konference për media ka reaguar pas deklaratave të presidentit serb, Aleksandër Vuçiç, se nuk do të jetë i pranishëm në samitin e Bashkimit Evropian që do të mbahet në Tiranë.

Ai ka thënë se Serbia do të jetë në samit dhe se sipas tij, presidenti Vuçiq nuk ka rrugë tjetër.

“Unë nuk emocionohem nga asnjë lloj deklarate që bëjnë politikanët brenda apo jashtë vendit tonë për qëllime të politikës së tyre të brendshme. Serbia do të jetë në samit dhe presidenti i Serbisë nuk ka asnjë rrugë tjetër përveç që të vijë në samit, dua ta them këtë me bindje sepse e kundërta do të ishte katastrofë për Serbinë dhe për atë vet besoj”, ka thënë Rama.

Sipas Ramës, ky samit është më i rëndësishmi në marrëdhëniet ndërkombëtare të vendit, pasi të gjithë liderët e Evropës së bashkuar zbresin për herë të parë në Tiranë.





Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Hapet aplikimi për shtesa për fëmijët e lindur nga viti...

Ministria e Financave, Punës dhe Transfereve ka njoftuar qytetarët të shtunën, për hapjen e aplikimit për fëmijët e lindur nga 1 janari i vitit...

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Të fundit nga rubrika