Policia e Kosovës ka njoftuar për vrasjen që ka ndodhur në lagjen “Vranjevc” të Prishtinës, ku një grua dyshohet se vrau kunatin e saj.
Këtë e ka konfirmuar për Dukagjinin zëdhënësja e Policisë për rajonin e Prishtinës, Flora Ahmeti, e cila ka bërë të ditur se dyshuar është vetëdorëzuar e dyshuara me inicialet N., M..
“Sot rreth orës 19:20 kemi pranuar informatën për një vrasje, që ka ndodhë në rrugën ‘Ismet Krasniqi’ në Prishtinë. Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Lidhur me rastin është vetëdorëzuar një person e dyshuara: -N.M. femër. Aktualisht, hetuesit policorë në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast”, ka njoftuar Ahmeti.