Ndonëse, ka përafërsisht dy vite që është burgosur nga Gjykata e Lartë e Hagës, ish-presidenti i Kosovës, Hashim Thaçi, pretendohet se vazhdon të ketë ndikim në politikën e Kosovës.
Në emisionin “Debat Plus” në RTV DUKAGJINI, raporti “Freedom House” është cilësuar si “qesharak” nga një pjesë e analistëve dhe “serioz” nga pjesa tjetër.
Dardan Gashi, analist, e ka cilësuar si “kurthin perfekt” veprimin e të akuzuarit për kriminel dhe njëkohësisht krijimin e aktit të shfaqjes së punës së vërtet të Gjykatave të Kosovës. Sipas tij, ky raport nuk përmban diçka faktike dhe as fusnota, kjo e bën të jetë konfuz.
Sipas Lamës, përfshirja e Hashim Thaqit dhe Ramush Haradinaj është bërë si shkak i ndikimit politikë që kanë megjithëse njëri nga ta tashmë nuk është pjesë aktive e saj. Një raport i tillë, sipas Lamës, është tregues i mire i progresit të politikës në Kosovë e sidomos kur është i bazuar në vrojtime nga analistë të jashtëm të kësaj fushe.
“Dua të ju siguroj se edhe si Kryeministër por edhe tash, kam punuar dhe vazhdoj të punoj për sundimin e ligjit dhe demokracinë”, kishte reaguar Haradinaj pas përmendjes së emrit të tij në raportin e “Freedom House”, në Facebook.
Nga ana tjetër, analisti Visar Imeri ka thënë se “në qoftë se Freedom House” ka dëshmi serioze, duhet me i ra në qafë prokurorisë”. Ndërkaq, Imeri ka cilësuar reagimin e shefe e grupit parlamentar të VV-s, Mimoza Kusari Lilës, si mënyrën tipike të dëshirës për mbyllje të këtij komisioni hetimor.