Sipas të dhënave nga Instituti Kombëtar i Shëndetësisë Publike të Kosovës, Ministria e Shëndetësisë informon se gjatë 24 orëve të fundit nuk është shënuar asnjë rast i vdekjes.

Të shtunën e 4 qershorit, janë shëruar 8 qytetarë derisa numri i përgjithshëm i të shëruarve është 225.190. Në total numri i rasteve aktive është 57.

Gjatë 24 orëve të fundit, janë bërë 441 testime dhe gjashtë qytetarë kanë rezolutuar pozitivë.

Ministria e Shëndetësisë ka njoftuar se në 24 orët e fundit janë dhënë 77 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.829.405 doza të vaksinës.

Deri më tani 823.224 qytetarë janë vaksinuar me dozën e dytë.

Deri më tani janë dhënë 102.838 doza përforcuese dhe doza të treta të vaksinës kundër COVID-19.