Një person është goditur nga kamioni në magjistralen Prishtinë-Mitrovicë, përkatësisht në fshatin Maxhunaj të Vushtrrisë.
Goditja nga kamioni ka rezultuar të jetë fatale për këmbësorin, me ç’rast ka ndërruar jetë në vendin e ngjarjes.
Këtë për Portalin Dukagjini e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
“Nga informacionet e para dyshohet për aksident trafiku. Bëhet fjalë që një kamion e ka goditur një këmbësor dhe si pasojë e ka humbur jetën. Në bazë të informacioneve të para, kamioni nuk është ndalur në vend të ngjarjes”, ka thënë Zahiti.