Analisti, Ylli Hoxha u shpreh se në zgjedhjet e përgjithshme parlamentare të 9 shkurtit do të jetë pushteti aktual, Lëvizja Vetëvendosje do të jetë sfidë në tri dimensione të ndryshme për ruajtjen e votave të fituara në vitin 2021.
Hoxha u shpreh në “Debat Plus” se largimi i Eman Rrahmanit nga Lëvizja Vetëvendosje dhe vota “pak militante” e Vjosa Osmanit do të jenë si sfida të LVV-së.
“Kush e mund Albin kurtin në zgjedhje? Përgjigjja është Lumir Abdixhiku. Por jo në këto zgjedhje, besoj do të jetë në zgjedhjet e tjera. Çka do të bëjë është përforcimi dhe konsilodimin e LDK-së dhe pozicionin për ndryshimin e saj. Konsideroj që elektorati I LDK-së dhe Vetëvendosjes është elektorat që rrjedhë nga një anë tek tjetra, dhe përbën shumicën në Kosovë. Nëse do të ketë rënie potenciale të Kurtit, kjo do të reflektohet me rritje të LDK-së. Do të kemi Lëvizjen Vetëvendosje në sfidë, në tri dimensione për ruajtje të votes të vitit 2021, të zgjedhjeve të përgjithshme, vota pak militante e Vjosa Osmanit. Do të ketë sfidë votën e Eman Rrahmanit. I treti sfidimi më kryesor I LVV-së është një lloj zotnimi I përkrahjes tek elementi urban në tri vite e gjysmë qeverisje.”, tha Hoxha.
Hoxha u shpreh se “pres një rritje të LDK-së, një përparim të PDK-së dhe do të ketë tkurrje të rezultateve të përgjithshme”.