“Kokrrat e Rrushit Këndojnë”, këtë vit me edicionin e parë

Festivali Mbarëkombëtar i Këngës për Fëmijë "Kokrrat e Rrushit Këndojnë", këtë vit për publikun e Rahovecit do të sjellë artistë nga gjithë trevat shqiptare. Solistët e rinjë në këtë festival do t'i këndojnë rrushit ndërsa qëllimi i tij është krijimi i një vendi ku solistët e muzikës për fëmijë do të mund të shprehin talentin e tyre

Ilustrim

Festivali Mbarëkombëtar i Këngës për Fëmijë “Kokrrat e Rrushit Këndojnë”, do të mbahet në qytetin e Rahovecit, të shtunën e 17 shtatorit.

Ky festival është inciativë e drejtorit të shkollës së muzikës “Faik Syla” në Rahovec, Naser Dula, njëherësh edhe organizator i kësaj ngjarjeje.

Në një intervistë për portalin Duakgjini, organizatori i festivalit, ka treguar për emërtimin dhe ka thënë që ky festival ka qenë ide e tij e kahmotshme.

“Emërtimi i këtij festivali bazohet në traditën e lashtë që ka qyteti i Rahovecit, me kultivimin e hardhisë së rrushit ku në muajin shtator është festa e madhe ku fillon vjelja e tij”.

“Pra kjo ishte ide e imja e kahmotshme, por ja që këtë vit i erdhi momenti të realizohet dhe jam shumë i bindur që ky festival do ta pasurojë edhe më shumë festën e rrushit”, ka shtuar Dula.

Naser Dula, drejtor i shkollës së muzikës në Rahovec, njëherësh organizator i festivalit

Çfarë synoni të sjellni me këtë festival?

“Qëllimi i këtij festivali është krijimi i një vendi ku solistët e muzikës për fëmijë do të mund të gjenin veten dhe të shprehin talentin e tyre”.

“Përmes këtij festivali, Rahoveci mund të jetë në qendër të vëmendjes artistike muzikore gjithandej ku ka shqiptarë, dhe kjo do të ketë vlerën e vet të jashtëzakonshme dhe të shumanëshme. Përmes këtij festivali, qyteti i Rahovecit mund dhe duhet të ketë shkëmbime të solistëve të rinj mbarëkombëtar”, ka theksuar organizatori.

Ai më tej ka treguar se cila do të jetë veçantia e këtij festivali dhe çfarë do ta dallojë nga ngjarjet e tjera të këtij lloji.

“Duke marrë parasysh qyteti i Rahovecit ka disa festivale tradicionale të saj siç janë: Festivali i Rrushit ‘Hard Fest’, ‘Anadrinia Jehon’, ‘Konak’, ‘Rahoveci na Bashkon’, ‘Festivali i muzikës klasike Do Re Mi’ dhe tani edhe festivali tjetër me radhë ‘Kokrrat e Rrushit Këndojnë’, ku te ky festival është dallimi se çdo vit do t’i këndohet rrushit nga solistët e rinj mbarëkombëtarë, ku unë shpresoj shumë që festivali më i ri në qytetin e Rahovecit do të shndërrohet në një festival jetik dhe tradicional”, është shprehur Dula.

I pyetur se cilat moshat mund të marrin pjesë, ai ka thënë që pjesë e festivalit mund të bëhen fëmijët prej 6 deri në 13 vjet.

“Në këtë festival grupmoshat do të jenë prej 6 deri në 13 vjeç ku do të ndahen në kategori junior, mosha 6 dhe 7 vjeç, kategoria e parë mosha 8 deri në 10 vjeç, dhe kategoria e dytë mosha 11 deri në 13 vjeç”, ka theksuar ai.

Festivali Mbarëkombëtar i Këngës për Fëmijë “Kokrrat e rrushit këndojnë”

Ndër të tjera ai ka thënë që festivali mbarëkombëtar “Kokrrat e Rrushit Këndojnë”, synon të bëhet festival tradicional në qytetin e Rahovecit, duke shtuar se ardhmëria jonë janë fëmijët, talentët e rinj.

Në këtë festival do të marrin pjesë solistë nga Kosova, Shqipëria, Maqedonia e Veriut, Mali i Zi, Presheva dhe Bujanovci.

“Solistët do të kenë mundësi të kënaqen me pamjet që ofron qyteti i Rahovecit bashkë me plantacionet e vreshtave, që ndryshe ky vend cilësohet nga turistët ndërkombëtarë edhe si ‘Toskana e Kosovës’”, ka përfunduar organizatori i festivalit, Naser Dula.

Ndryshe, ky festival do të mbahet në muajin shtator në palestrën sportive “Mizahir Isma”.

Shija e redaktorit

Publikohen foto të rralla të “The Beatles” duke performuar në...

Imazhet janë realizuar në vitin 1961, një vit para se të publikohej kënga e tyre debutuese Love Me Do. Fotot tregojnë Sir Paul McCartney dhe...

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Më të lexuarat

Kroaci: 11 të vdekur nga aksidenti i autobusit

Të paktën 11 persona kanë vdekur si pasojë e një aksidenti të rëndë në autostradën A4 Zagreb-Goriçan, mëngjesin e së shtunës. Sipas informacioneve jozyrtare janë...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Të fundit nga rubrika