Konjufca pas takimit me Escobar: Ritheksova se asnjëherë nuk do ta humbim fokusin nga njohja e plotë

Kryetari i Kuvendit të Kosovës, Glauk Konjuca, pas takimit me të dërguarin e posaçëm amerikan për Ballkanin Perëndimor, Gabriel Escobar, ka riktheksuar se asnjëherë nuk do ta humbin fokusin nga njohja e plotë, "dhe se çfarëdo marrëveshje që mund të arrihet në procesin e dialogut me Serbinë, duhet të respektojë në plotni sovranitetin, integritetin territorial dhe rendin kushtetues të Republikës së Kosovës"

Pamje nga takimi

Kryetari i Kuvendit të Kosovës, Glauk Konjufca, pas takimit me emisarin amerikan, Gabriel Escobar, ka njoftuar se kanë diskutuar për zhvillimet aktuale politike në vend, rajon dhe më gjerë, procesin e dialogut dhe hapat e mëtejmë, me fokus të veçantë propozimin e BE-së për normalizim të marrëdhënieve ndërmjet Kosovës dhe Serbisë.

“Republika e Kosovës është e përkushtuar për fqinjësi të mirë, paqe dhe stabilitet në rajon. Gjithashtu, për dallim nga Serbia si palë minuese, Republika e Kosovës ka luajtur rol konstruktiv përgjatë gjithë procesit të dialogut, përfshirë edhe takimin e 27 shkurtit në Bruksel”, ka shkruar Konjufca.

Kryeparlamentari Glauk Konjufca dhe emisari amerikan, Gabriel Escobar

Kryeparlamentari Konjufca ka ritheksuar se asnjëherë nuk do ta humbin fokusin nga njohja e plotë, dhe se çfarëdo marrëveshje që mund të arrihet në procesin e dialogut me Serbinë “duhet të respektojë në plotni sovranitetin, integritetin territorial dhe rendin kushtetues të Republikës së Kosovës”.

“E falënderova emisarin Escobar për angazhimin dhe rolin e pazëvendësueshëm të SHBA-së në procesin e dialogut dhe shpreha gatishmërinë për fuqizimin e mëtutjeshëm të partneritetit të ndërsjellë, si dhe avancimin e marrëdhënieve të shkëlqyera ndërmjet Republikës së Kosovës dhe Shteteve të Bashkuara të Amerikës”, ka shtuar kryetari i Kuvendit të Kosovës, Glauk Konjufca.

Nis takimi mes Konjufcës dhe Escobarit

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika