Mario Vargas Llosa, fituesi i çmimit Nobel, shtrohet në spital për shkak të Covid-19

Mario Vargas Llosa, romancieri peruan dhe laureati i Nobelit, është shtruar në spital në Madrid për shkak të infektimit me Covid-19. Ai po trajtohet nga profesionistë "të shkëlqyer" dhe është rrethuar nga familja

Mario Vargas Losa, shkrimtar

Romancieri peruan dhe laureati i Nobelit, Mario Vargas Llosa, sipas djalit të tij, është shtruar në spital në Madrid për shkak të infektimit me Covid-19.

Laureati i Nobelit, 87-vjeçari, Mario Vargas Llosa, është në një spital në qytetin e Madridit të Spanjës që nga 1 korriku, i rrethuar nga familja dhe po trajtohet nga profesionistë “të shkëlqyer”, siç shkroi Alvaro Vargas Llosa në Twitter, në emër të tij dhe vëllezërve të tij, Gonzalo dhe Morgana Vargas Llosa.

Vlen të theksohet se romancieri Vargas Llosa, ka nënshtetësi spanjolle dhe peruane.

Vargas Llosa, i lindur në Arequipa, Peru, në vitin 1936, u rrit nga nëna e tij derisa babai i tij u rishfaq dhe solli një ndryshim autoritar në jetën e tij.

Vargas Llosa jetoi në trazirat politike të Perusë, ku më pas si rezultat u ngrit perandoria e diktatorit, Manuel Odría, në vitin 1948.

Në vitin 1963, ai botoi romanin e tij të parë, “Koha e Heroit”, një përrallë e bazuar në përvojën e tij për adoleshentët që luftojnë për të mbijetuar në një akademi ushtarake brutale.

Ndryshimi shoqëror ka qenë një temë kryesore në veprat e tij letrare, dhe në vitin 1990, ai kandidoi për president të Perusë, mirëpo nuk arriti të triumfojë. Tre vjet pas kësaj disfate, ai u bë shtetas spanjoll.

Në vitin 2010, komiteti i Çmimit Nobel i dha atij Çmimin e Letërsisë, duke shkruar në citimin e tij se ai po merrte çmimin “për hartografinë e tij të strukturave të pushtetit dhe imazhet e tij rrëqethëse të rezistencës, revoltës dhe disfatës së individit”, shkruan CNN, transmeton Portali Dukagjini.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika