Kryeministri i Kosovës, Albin Kurti dhe presidenti i Serbisë, Aleksandar Vuçiq do të udhëtojnë drejt Brukselit.
Sipas mediumit në Serbi, atje do të priten nga shefi i diplomacisë së BE-së, Josep Borrell dhe përfaqësuesi special për dialogun, Miroslav Lajçak.
Kurti dhe Vuçiq fillimisht do të zhvillojnë takime të ndara me nikoqirët e Brukselit, raporton N1.
Vuçiq gjatë një interviste të dielën ka thënë se takimet do të nisin nga ora 8 e mëngjesit. Ndërsa, edhe nga Qeveria e Kosovës, është konfirmuar takimi i së hënës.
Nuk dihet ende se me kë do të zhvillohet takimi i parë dypalësh, por mbajtja e një takimi trepalësh varet nga rrjedha e takimit dypalësh.
Gjithashtu, udhëtimin e kryeministrit Kurti për në Bruksel e ka ka bërë të ditur zëdhënësi i Qeverisës se Kosovës, Përparim Kryeziu.
“Kryeministri Kurti udhëton sot për në Bruksel, ndërkaq takimi ndërmjet kryeministrit Kurti dhe z. Vuçiq është konfirmuar për nesër, ditë e hënë”, ka thënë zëdhënësi i Qeverisë së Kosovës, Përparim Kryeziu, për RTV Dukagjinin.
Por, Vuçiq është shprehur pesimist rreth këtij takimi me Kurtin në Bruksel. Kujtojmë se, Kurti me Vuçiqin për herë të fundit u takuan në Bruksel më 18 gusht.
Rreth këtij takimi më 21 nëntor që u thirr nga shefi i BE-së Joseph Borrell për të gjetur një zgjidhje rreth çështjes për targat. Pasi nga 21 nëntori fillon faza e dytë të implementimit e vendimit për targa.
Faza e parë e planit për targa përfshiu qortimin e shoferëve që ngasin makina me targa të paligjshme. Ndërkaq, faza e dytë që pritet të nis nga e hëna e 21 nëntorit, parasheh gjoba prej 150 euro.
Qeveria e Kosovës ka nisur zbatimit të planit për ri regjistrimin e makinave me targa të paligjshme serbe, që nga një nëntori 1 këtij viti. Si rrjedhojë, tensionet në mes Kosovës dhe Serbisë janë rritur.