Presidentja e Kosovës, Vjosa Osmani, është takuar me homologun nga Franca, Emmanuel Macron, në kuadër të Samitit të NATO-s në Washington D.C, me të cilin, tha se ka pasur një diskutim përmbajtësor.

Në takim është diskutuar për të ardhmen euroatlantike të Kosovës, reformat në fushën e sundimit të ligjit dhe forcimin e marrëdhënieve dypalëshe.

“Diskutim përmbajtësor me presidentin Macron në Samitin e NATO-s në Washington D.C, lidhur me të ardhmen euroatlantike të Kosovës, reformat në fushën e sundimit të ligjit dhe forcimin e marrëdhënieve bilaterale ndërmjet Kosovës dhe Francës”, ka shkruar Osmani në Faceboook.