Presidenti iranian, Ebrahim Raisi, e ka quajtur sulmin e fundit me raketa dhe dron kundër Izraelit si “një burim krenarie dhe fuqie” për vendin e tij.
“Ky operacion u bë një shenjë e fuqisë së Republikës Islamike dhe forcave të saj të armatosura. Ai gjithashtu tregoi vendosmërinë e çeliktë të kombit tonë”, ka thënë presidenti i Iranit, raporton AP.
Raisi ka pretenduar se sulmi ishte i nevojshëm dhe se ka bashkuar fraksionet politike të vendit.
Kujtojmë që të shtunën e kaluar Irani ka sulmuar me dronë Izraeli.
Lexo më shumë: Irani nis sulmin me dron kundër Izraelit
Forcat e Mbrojtjes së Izraelit e kishin konfirmuar se Irani ka lëshuar dronët UAV brenda territorit të tij drejt Izraelit.
Izraeli ka kryer një sulm ndaj Iranit, që duket të jetë si një përgjigje hakmarrëse ndaj një sulmi të fundit të Teheranit.
Lexo më shumë: Izraeli kryen “sulm hakmarrës” kundër Iranit
Sipas medieve amerikane, që cituan zyrtarë qeveritarë, Izraeli ka kryer një sulm ndaj Iranit në orët e hershme të së premtes.
Ky akt ka rezultuar në shpërthime në afërsi të qytetit të Isfahanit.