Prokuroria e Ferizajt nis hetimet për rastin e vdekjes së shtetases së huaj

Prokuroria Themelore e Ferizajt ka iniciuar hetimet për rastin e shtetases së huaj, e cila është gjetur pa shenja jete mbrëmë në autostradën “Arbën Xhaferi”

Prokuroria Themelore në Ferizaj

Prokuroria Themelore e Ferizajt ka iniciuar hetimet për rastin e shtetases së huaj, e cila është gjetur pa shenja jete mbrëmjen e së mërkurës në autostradën “Arbën Xhaferi”, në magjistralen Ferizaj – Prishtinë.

Lajmin për Dukagjinin e ka konfirmuar kryeprokurori në Prokurorinë Themelore të Ferizajt, Shukri Jashari.

Jashari ka thënë se po punohet intensivisht për zbardhjen e rrethanave se si ka ndodhur rasti.

“Prokuroria qysh mbrëmë ka nisur hetimet për zbardhjen e rrethanave të rastit, po punohet intensivisht që të dihet shkaqet e rastit. Për momentin nuk mund të themi asgjë pasi jemi në fazën fillestare të trajtimit të rastit”, ka thënë Jashari.

Ndërsa, Policia e Kosovës, në raportin e sotëm 24-orësh, rastin e ka cilësuar si “vdekje e dyshuar”.

Lexo më shumë: Policia e cilëson si “të dyshimtë” vdekjen e shtetases së huaj në magjistralen Ferizaj – Prishtinë

Autostrada “Arbër Xhaferi’’ /  21.02.2024-20:00. Patrulla policore gjatë patrullimit, në rrugë-autostradë kanë hasur në një trup të pajetë të një viktime femër-shtetase e huaj.  Njësitet relevante policore, prokurori dhe ekipi mjekësor kanë dalë në vendin e  ngjarjes ku është konstatuar vdekja e viktimës. Me vendim të prokurorit, trupi i pajetë është dërguar në IML për obduksion. Rasti në procedurë hetimore”, thuhet në raport.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika