Rinor Qaka, këngëtar, ka thënë se në fillim të karrierës së tij e ka pasur të vështirë përzgjedhjen e zhanrit, por që më pas thotë se fokusin e ka pasur vetëm në perfeksionim.
Në emisionin “Reload”, Qaka ka treguar se në raste të ndryshme frymëzohet nga shoqëria e në disa të tjera nga vetvetja lidhur me krijimin e muzikës që ai e bën.
“Kam këngë që ende nuk i kam publikuar. Në këtë verë do t’i publikoj dy apo tri, njëra nga to do të jetë duet. Unë jam në zhanër pak më komercial”, thotë Qaka.
“Është ndihmesë e madhe për mu edhe privilegj që ta kesh rrethin e familjes me muzicientë”, shtoi ai teksa flet për NRG Band.
Dy këngët që do t’i publikojë Qaka gjatë muajve të verës do të jenë ritmike. Ai njofton se këngët do t’i publikojë me videoklipe.