Uniformës që i shërbyen për shumë kohë, vendosen që të mos i bindën më.
Eprorë e policë serbë, që shërbyen në komunat veriore të Kosovës, i hoqën nga trupi në mbledhjen e mbajtur në Zveçan të organizuar nga Lista Serbe.
Mirëpo bashkë me uniformën policët serbë, nuk dorëzuan edhe armët.
Por, nuk ishin vetëm policët ndërmorën këtë veprim.
Lista Serbe vendosi që të largojë të gjithë serbët nga institucionet qendrore dhe ato lokale.
Kreu i kësaj partie, Goran Rakiq pasi shpalli dorëheqjen nga pozita e ministrit për Komunitete dhe Kthim, tha se largimi nga institucionet vjen pas vendimeve të fundit të Qeverisë së Kosovës.
“Ne kemi vendosur të largohemi nga të gjitha institucionet politike, Kuvendi, Qeveria, dhe nga katër komunat në veri të Kosovës, por edhe që të largohen serbët nga gjyqësori, policia si dhe stafi administrativ në katër komunat në veri”, ka thënë Rakiq.
Rakiq vendosi edhe kushte, pa plotësimin e të cilave tha se nuk kthehen në institucione.
“Këtu do të mbesin në fuqi derisa Prishtina të mos respektojë të drejtën ndërkombëtare. Të kthejë mbrapa vendimin për regjistrim dhe derisa ta miratojë Asociacionin e Komunave”, ka shtuar ai.
Ky vendim, për Rakiqin nuk është kërcënim por ruajtje e qetësisë dhe stabilitetit në veri.