Serbia ka uruar Shqipërinë dhe Maqedoninë e Veriut për çeljen e negociatave për anëtarësim në Bashkimin Evropian.
Përmes një reagimi në Twitter, ministria e Punëve të Jashtme e Serbisë, ka thënë se të dy vendet fqinje mund të mbështeten në bashkëpunimin e Serbisë për një të ardhme të përbashkët.
“Një lajm të pritur prej kohësh për fqinjët, miqtë dhe partnerët e tanë të Open Balkan, Maqedonia e Veriut dhe Shqipëria. Mund të mbështeteni në bashkëpunimin e Serbisë, me gjithë zemër të Serbisë, në punën për të ardhmen e përbashkët brenda familjes BE-së”, thuhet në urimin e ministrisë.
Great, long-awaited news for our neighbours, friends & #OpenBalkans partners – #NorthMacedonia & #Albania have started #EU accession talks.
Congratulations @MFA_MKD
and @AlbanianDiplo, count on our wholehearted coop in working towards our common future within the #EU family.— MFA Serbia 🇷🇸 (@MFASerbia) July 19, 2022
Shqipëria dhe Maqedonia e Veriut, të martën zyrtarisht do t’i nisin negociatat për anëtarësim në Bashkimin Evropian.
BE-ja ua ka dhënë dritën e gjelbër të dyja shteteve, pasi Maqedonia e Veriut e ka miratuar në Kuvendin e saj “Propozimin Francez”, i cili edhe e ka zgjidhur problemin që kishte ky shtet me Bullgarinë e që kishte të bënte me gjuhën dhe me pakicën bullgare që jeton në Maqedoni të Veriut.
Fillimin e negociatave e ka bërë të ditur edhe kryeministri i Shqipërisë Edi Rama, i cili përmes një shkrimi në Facebook është shprehur se dita e martë është një ditë e vecantë për shqiptarët.