Ish-presidenti i ShBA-së, Donald Trump, këtë të hënë ka dëshmuar në gjyqin civil. Ai dhe kompania e tij akuzohen për kryerje të mashtrimit të shfrenuar.
Trump është përballuar me vërejtje nga gjyqtari gjykues për deklarata politike dhe mospërgjigje të drejtpërdrejtë në pyetjet që i bëheshin.
“Ky nuk është një tubim politik, kjo është një sallë gjyqi”, ka thënë gjyqtari i Gjykatës së Lartë të Nju Jorkut, Arthur Engoron, raporton “The Washington Post”.
Çështja përfshin një padi prej 250 milionë dollarësh të ngritur nga prokurorja e përgjithshme e Nju Jorkut, Letitia James (D), e cila ka thënë se Trump dhe të tjerët kanë fryrë qëllimisht vlerën e aseteve të tij për të siguruar kushte më të mira financiare, derisa ish-presidenti e ka mohuar keqbërjen.
Ai është gjobitur me 15 mijë dollarë për shkeljen e dyfishtë të një urdhri që e ndalon të bëjë deklarata për punonjësit e gjykatës.