Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, të dielën e 18  shtatorit ka informuar se nga 137 testime, 7 qytetarë kanë rezultuar pozitiv me virusin COVID-19.

Gjatë 24 orëve të fundit, nuk është shënuar asnjë rast i vdekjes.

Ndërsa të dielën janë shëruar 25 qytetarë, derisa numri i përgjithshëm i të shëruarve është 268 mijë e 704.

Në total numri i rasteve aktive është 70.

Postimi i Ministrisë së Shëndetësisë për gjendjen aktuale me COVID-19 në Kosovë

Që nga fillimi i vaksinimit, në të gjitha qytetet e Kosovës, janë dhënë një milion e 835 mijë e 964 doza të vaksinës.

Deri më sot, 824 mijë e 630 qytetarë janë vaksinuar me dozën e dytë.

Doza përforcuese dhe doza të treta të vaksinës kundër COVID-19 janë dhënë 105 mijë e 111.

Ndërkaq dozën e katërt të vaksinës e kanë marrë 1 mijë e 775 qytetarë.