Vuçiq për takimin me pesëshen ndërkombëtare: Dje ishte njëra nga ditët më të vështira për Serbinë, na presin telashe

Një ditë pas takimit me pesëshen e ndërmjetësve ndërkombëtarë në Beograd, presidenti serb Aleksandar Vuçiq tha se dje ishte njëra nga ditët më të vështira për Serbinë

Presidenti serb, Aleksandër Vuçiq, me diplomatët ndërkombëtar në Beograd

Presidenti i Serbisë, Aleksandar Vuçiq, ka komentuar takimin e djeshëm me emisarët nga BE-ja dhe ShBA-ja duke paralajmëruar një fjalim të hënën lidhur me të gjitha problemet dhe zgjedhjet që Serbia duhet të bëjë.

Vuçiq tha se dita e djeshme ishte një nga ditët më të vështira për Serbinë, duke theksuar se do të kenë probleme në të ardhmen.

“Dje ishte një nga ditët më të vështira për vendin tonë. Kurrë nuk u jam fshehur njerëzve në Serbi kur ndodhin gjëra të tilla. Do të kemi shumë telashe dhe probleme me të cilat do të përballemi në të ardhmen, për këtë na duhet unitet”, tha Vuçiq.

Vuçiq shtoi se Serbia nuk mori mbështetjen që priste.

“Nga ata që e prisja, për shkak të përgjegjësisë që duhej të tregonin, përfaqësuesit tanë politikë – nuk e morëm. Ne morëm bashkimin e tyre, pavarësisht se ata vetëm pak ditë më parë thoshin të kundërtën – për një temë ku askush nuk duhet të dalë kundër askujt. Fatkeqësisht, ata zgjodhën të dilnin kundër Serbisë edhe këtë herë”, ka thënë Vucic, shkruan “Danas”.

Gjatë ditës së djeshme i dërguari i posaçëm i BE-së për dialogun Kosovë-Serbi, Miroslav Lajçak, së bashku me këshilltarët e politikës së jashtme të Gjermanisë, Francës, Italisë dhe atë amerikan Escobar, ka vizituar Prishtinën dhe Beogradin, ku është takuar me kryeministrin e Kosovës, Albin kurti, dhe presidentin e Serbisë, Aleksandër Vuçiq.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika