Kryetari i PSD-së, Dardan Molliqaj, ka thënë se opozita parlamentare në Kosovë më shumë po i shërben kryeministrit Albin Kurti se vetes.
“Duke u fokusu a i merr ai 49 a 47 a 51%, kjo nuk është betejë politike, këtu do të përfundojmë me një pushtet të fuqishëm pa opozitë hiç. Ky është shqetësimi im, nëse del qysh ju po thoni, ne e marrim përgjegjësinë. Kish me qenë mirë që ju që e keni këtë argument, partitë opozitare, nëse Albin Kurti fiton prapë shumë, s’kemi as ndryshim të pushtetit, as të opozitës”, tha ai në “Debat Plus”.
Sipas tij, nëse zgjedhjet mbahen të dielën e ardhshme, Kurti me shumë gjasë do të ishte prapë kryeministër.
“Jam i bindur ka po shkon Kosova, nuk kam iluzione që Hamza do jetë kryeministër, as Abdixhiku as Haradinaj. Gjasat maksimale nëse mbahen zgjedhjet në të dielën e ardhshme është Albin Kurti. Në këtë rrezik që është unë mendoj që Kosova s’ka parti opozitare, kjo është bindja ime, votuesi e përcakton… po flas për parlament”, tha ai.