Policia e Kosovës ka arrestuar dy persona në rrugën “Nazim Gafurri” në Prishtinë, nën dyshimin se kanë shtënë me armë zjarri nga vetura e tyre.
Në raportin 24-orësh të policisë bëhet e ditur se në vendin e ngjarjes është gjetur dhe konfiskuar një gëzhojë, ndërsa në veturën e dyshuar është gjetur dhe konfiskuar një pistoletë me një karikator dhe 9 fishekë.
Rasti është iniciuar si “Përdorim i armës/armëmbajtje pa leje”.
Të dyshuarit janë dërguar në mbajtje.
“Janë arrestuar dy meshkuj, pasi të njëjtit dyshohet se nga vetura kanë shtënë me armë zjarri. Në vendin e ngjarjes është gjetur dhe konfiskuar një gëzhojë, ndërsa në veturën e dyshuar është gjetur dhe konfiskuar një pistoletë me një karikator dhe 9 fishekë. Me vendim të prokurorit, të dyshuarit janë dërguar në mbajtje”, thuhet në raport.