Temperaturat do të rriten shumë këtë verë, falë disa zjarreve të dragoit që do vijnë nga sezoni i ri i serialit “Game of Thrones”.
“Game of Thrones” do rikthehet në ekran për pak muaj, por këtë herë me titull pak më ndryshe ”House of the Dragon”.
Kjo bëhet e ditur nga kompania televizive, Home Box Office, e cila njoftoi se ky serial do të ketë premierën të dielën, më 21 gusht.
Bazuar në romanin “Fire & Blood” të George RR Martin të vitit 2018, seriali është vendosur 200 vjet përpara ngjarjeve të serialit televiziv origjinal “Game of Thrones”, dhe do të përshkruajë historinë e Shtëpisë Targaryen përpara rënies së tyre nga pushteti dhe uzurpimit të mëvonshëm në duart e House Baratheon.