Javë më parë, Erik ten Hag, ishte zyrtarizuar si trajneri i ri i Manchester United, drejtimin e të cilit do e ketë në qershor.
Trajneri holandez ka qëndruar deri në fund të sezonit me Ajaxin, me të cilin ka fituar edhe titullin e kampionit në Holandë.
Por pas largimit të Ten Hag, Ajax ka gjetur zëvendësuesin e tij dhe bëhet fjalë për trajnerin Alfred Schreuder.
49-vjeçari rikthehet në Amsterdam, aty ku kishte qenë ndihmës i Ten Hag për një vit e gjysmë nga janari i vitit 2018 deri në verën e vitit 2019.
Schreuder ka qenë edhe ndihmës i Ronald Koeman te Barcelona, derisa ende vazhdon ta drejtojë skuadrën belge Club Brugge deri në fund të sezonit në Belgjikë.
Trajneri holandez ka drejtuar ekipet e para edhe të TSG Hoffenheim dhe Twentes , derisa më parë ka qenë asistent edhe te Vitesse.
Ajaxi e ka zyrtarizuar trajnerin e ri, i cili e njeh mjaftë mirë ambientin në Amsterdam dhe synon të vazhdojë të fitoj trofe me Ajaxin edhe për vitet e ardhshme.
Welcome back, boss! #ForTheFuture ⚪️🔴⚪
— AFC Ajax (@AFCAjax) May 12, 2022