Vetëm një vit pas largimit nga Inter, sulmuesi belg Romelu Lukaku është rikthyer në “Guizeppe Meazza”.
Një vit më parë, me shumë bujë, Lukaku u rikthye te Chelsea, me Blutë e Londrës që paguan mbi 100 milionë euro për shërbimet e tij.
Me dy herë kampionët e Europës, Lukaku nuk arriti të përmbushë pritshmëritë, duke gjetur rrugën e rrjetës 15 herë në 44 ndeshje.
Pas disa polemikave dhe problemeve me trajnerin gjerman Thomas Tuchel, që shpesh e la në bankë rezervë, Lukaku vendosi të kthehej te Inter.
Zikaltërit kanë paguar 8 milionë euro, që të marrin Lukakun në huazim për këtë sezon, dhe pritet që për rreth 35 milionë të kompletojnë transferimin verën tjetër.
Lukaku do të paguhet 8 milionë euro në vit, për skuadrën e Simone Inzaghit, dhe Chelsea do të paguhet në bonuse ekstra nëse belgu arrin një numër të caktuar ndeshjesh në Itali.