Klara Sanduloviq, pas vizitës që bëri gjatë ditës së shtunë në memorialin “Adem Jashari”, në Prekaz është ndaluar në pikën kufitare në Merdare nga Policia serbe.
Por, pas katër orësh në pyetje nga BIA, Klara Sanduloviq, e bija e politikanit serb, Nikolla Sanduloviq, është lejuar të hyjë në territorin e Serbisë.
Kështu ka bërë të ditur vetë Nikolla Sanduloviq përmes një postimi në llogarinë e tij në Twitter.
Ai u ka bërë thirrje ndërkombëtarëve që ta ndalin “këtë regjim diktatorial” që sipas tij po persekuton kundërshtarët politikë dhe familjet e tyre.
“Pas 4 orësh marrje në pyetje dhe ngacmime nga BIA, Klara Sanduloviq dhe Mihajlo Todiq u lejuan të hyjnë në vendin e tyre! Evropa, Britania e Madhe dhe Amerika duhet ta ndalin këtë regjim diktatorial që po persekuton kundërshtarët politikë dhe familjet e tyre”, shkroi Sanduloviq.
After 4 hours of interrogation and harassment by the BIA Klara Sandulović and Mihajlo Todić were allowed to enter their country! Europe, Great Britain and America must stop this dictatorial regime that is persecuting its political opponents and their families!@aliciakearns @FBI
— Nikola Sandulovic (@Sandulovic_N) January 27, 2024
Klara Sanduloviq, pas vizitës që bëri gjatë ditës së shtunë në memorialin “Adem Jashari”, në Prekaz është ndaluar në pikën kufitare në Merdare nga Policia serbe.
Pak javë më parë politikani opozitar serb, Sanduloviq u maltretua në Serbi për shkak të vizitës në Prekaz.
Anëtarë të BIA-s serbe në fillim të janarit arrestuan dhe keqtrajtuan Sanduloviqin, vetëm pse kishte shpërndarë pamjet nga vizita e tij në Prekaz para një viti.
Gjithashtu, për të bërë homazhe në Prekaz javën e kaluar ishte edhe avokati i Sanduloviqit, Çedomir Stojkoviq, i cili me tu kthyer në Serbi u mor në pyetje nga Agjencia e Inteligjencës së Serbisë.
Klara, ngjashëm si babai (Nikolla), u përkul para varrit të Blerina Jasharit dhe kërkoi falje për krimet e shtetit të saj ndaj shqiptarëve.
“Veprimi i babait tim ishte shumë paqësor ndërsa Qeveria serbe konsideroi që ai kishte kryer një krim prandaj sot vendosa të bëhem kriminele si babai im dhe vendosa të vi këtu e të shpreh ngushëllimet e mija për të gjitha viktimat e pafajshme, në mënyrë që gjenerata ime të vetëdijesohet që duhet të ndalim urrejtjen e të falim njëri-tjetrin dhe gjithashtu të kërkojmë falje”, ka thënë ajo.
Bashkë me vajzën e Nikola Sandulloviqit ishte edhe nënkryetari i partisë së tij, Mihajlo Todiq, i cili tha se erdhi në Kompleksin Memorial për të kërkuar falje për krimet e Serbisë.
Për të njëjtin Sanduloviq ka njoftuar se pas ndalimit nga BIA, është lejuar që të hyjë në Serbi.