Paulo Dybala, 28-vjeçar është një lojtar i lirë pas skadimit të kontratës së tij me Juventusin në fund të qershorit dhe agjentët e tij janë në kontakt me Manchister United për një transferim të lirë në këtë verë.
Tottenham Hotspur dhe Arsenali thuhet se janë të interesuar për të blerë lojëtarin 28-vjeçar.
Sipas Gianluca Di Marzio, ekspertit të transferimeve “Djajtë e Kuq” janë në diskutime me ekipin e Dybala për një transferim të lirë. Thuhet se Erik ten Hag dëshiron të përforcojë sulmin e tij në rast se Cristiano Ronaldo largohet nga Old Trafford këtë verë.
Dybala gjatë qëndrimit në Juventus ka shënuar 115 gola dhe ka fituar pesë tituj të Serie A.