Gjatë një festivali në Spanjë, erërat e forta goditën skenën me ç’rast një person humbi jetën dhe të paktën 40 të tjerë u lënduan.
Në disa pamje të cilat janë kapur gjatë xhirimeve, shihen pjesëmarrësit duke vrapuar në panik, ndërsa të tjerë shihen duke vazhduar të festojnë në ngjarjen në Cullera, në jug të Valencias.
Festivali i njohur i muzikës elektronike është pezulluar.
Shërbimet Rajonale të Urgjencës kanë thënë se disa të plagosur kanë pësuar trauma të rënda.
Dëshmitarët okularë thanë që ishte një stuhi rëre e papritur që goditi vendin e festivalit.
“Jemi në gjendje shoku, mund të isha unë, mund të ishte kushdo,”- ka thënë një i pranishëm i festivalit, raporton BBC.
“Është një moment shumë i dhimbshëm. E vështirë dhe zemërthyese. Një moment jashtëzakonisht i trishtuar dhe dekurajues për të afërmit, miqtë. Një moment që askush nuk duhet ta dijë. Është gjithashtu momenti më i vështirë që të gjithë ne që përbëjnë Medusa Festival mendojmë të kalojmë ndonjëherë. Ne mbetemi të shkatërruar. E thyer brenda. Aq sa nuk del thuajse asnjë fjalë. Mendimet tona pushtojnë vazhdimisht secilin prej të prekurve, drejtpërdrejt dhe tërthorazi, nga aksidenti fatkeq, i papritur dhe i pashmangshëm që ka ndodhur sonte për shkak të motit të keq ekstrem dhe të paparashikueshëm gjatë kremtimit të Festivalit Medusa”, kanë shkruar organizuesit e festivalit Medusa në rrjetin social Facebook.
Ndër të tjerash, në postimin e tyre ata kanë shprehur se ndihen keq për faktin që të pranishmit dhe artistët i kanë besuar dhe kjo ngjarje i detyron moralisht t’i japin fund festivalit të tyre.
“Medusa Festival ka marrë vendimin për të anuluar përfundimisht festivalin tonë dhe t’i japim fund edicionit tonë 2022 “, kanë shkruar komunikata.
Ata kanë shprehur ngushëllime duke thënë se e bashkëndjejnë dhimbjen.