Avokati i njërit nga të dyshuarit në lidhje me rastin e sulmit ndaj dy policëve të Kosovës në Skenderaj, Haxhi Millaku ka thënë se polici i cili pretendohet të jetë sulmuar nga Lushtaku, është një polic i cili ka një të kaluar jo të pastër, sipas Millakut.
Për RTV Dukagjini, avokati i Arif Lushtakut, Millaku ka thënë se ka qenë polici ai i cili ka tentuar të provokojë të dyshuarit duke ekspozuar armën, gjë e cila sipas tij, është në kundërshtim me ligjin.
“Është krijuar një përshtypje e gabuar që ai polic është provokuar, është sulmuar apriori, ndërsa është e kundërta, polici ka provokuar, ka sulmuar, ka ekspozuar armën, ka paraqitur situatë të rrezikshme, kështu që nuk ka vepruar konform rregullave dhe dispozitave që i ka Policia e Kosovës”, ka thënë Millaku për RTV Dukagjinin.
Më herët të hënën, ish-gjenerali dhe njëherësh, ish-nënkryetari i komunës së Skenderajt, Nuredin Lushtaku është dorëzuar në polici pas urdhërit për ndalimin e tij nga Prokuroria Themelore e Mitrovicës.
Lajmin për Portalin Dukagjini e ka konfirmuar zëdhënësi i kësaj prokurorie, Valon Preteni.
Pas kërkesës së Prokurorisë Themelore, vetëdorëzohet Nuredin Lushtaku
Ai ka thënë shkurt se “Lushtaku është vetëdorëzuar”.
Më herët të hënën, Prokruroria Themelore e Mitrovicës ka kërkuar nga Gjykata Themelore që të caktojë masën e paraburgimit për Faton Lushtakun dhe Arif Lushtakun.
Flet për RTV Dukagjini, ish-gjenerali Lushtaku, për dyshimet lidhur me plagosjen e dy policëve