Skuadra londineze Arsenal, dhe kampionët e Anglisë, Manchester City, kanë arritur marrëveshje që të mbyllin transferimin e Gabriel Jesus për shifrën e 55 milionë eurove.
Arsenal ka tash e shumë kohë që është në kërkim të një sulmuesi, pas largimeve të Pierre Emerick Aubameyang dhe Alexander Lacazette.
E numri nëntë i skuadrës së drejtuar nga Arteta, tashmë do të jetë braziliani Gabriel Jesus.
Jesus nuk po gjente hapësirat e duhura nën drejtimin e trajnerit Pep Guardiola, dhe pas ardhjes së Erling Haaland te qytetarët, ai vendosi përfundimisht që të largohet.
Te skuadra e Arsenal, Jesus e ka të garantuar vendin e startuesit, e në sulm do të bashkohet me bashklojtarin e tij te Brazili, Gabriel Martinelli.
Topçinjtë, pas Gabriel Jesus, po kërkojnë që të mbyllin edhe dy transferime tjera, që janë Raphinha nga Leeds dhe Lisandro Martinez nga Ajax.