Hoxhaj: Kosova plotëson gjithë kriteret për KiE, por ka përpjekje për kushtëzim

Ish-ministri i Jashtëm i Kosovës, Enver Hoxhaj, ka thënë se Kosova plotëson të gjitha kriteret për anëtarësim në Këshillin e Evropës, por, sipas tij, ka përpjekje për kushtëzim

Ish-kryediplomati i Kosovës, Enver Hoxhaj

Ish-ministri i Jashtëm i Kosovës, Enver Hoxhaj, ka thënë se Kosova plotëson të gjitha kriteret për anëtarësim në Këshillin e Evropës (KiE).

Hoxhaj ka thënë se edhe pse Kosova është shteti më i ri, pretendon se është demokracia më e konsoliduar në rajon.

Ai, në News24, ka thënë se shtetet anëtare kanë reflektuar qëndrimet e tyre me votat e dhëna në Asamblenë Parlamentare të KiE, edhe pse tha se ka përpjekje për ta kushtëzuar anëtarësimin me themelimin e Asociacionit të komunave me shumicë serbe.

Sipas tij, hapi i radhës për Kosovën nëse anëtarësohet në KiE, duhet të jetë NATO.

“Kosova i plotëson të gjitha kriteret. Jemi shteti më i ri por pretendojmë se jemi demokracia më e konsoliduar në rajon. I përmbushim të gjitha standardet që duhen që një vend të jetë në KiE. Pas NATO dhe BE, KiE është organizata e tretë më e rëndësishme në Evropë”, ka thënë Hoxhaj.

Ai ka shtuar se kjo për Kosovën do të ishte një vulosje e re e shtetësisë së saj si vend evropian.

“Për Kosovën do të ishte një vulosje e re e shtetësisë së saj si vend evropian, dhe ky anëtarësim do të ishte shumë i rëndësishëm. Shtetet anëtare kanë reflektuar qëndrimet e tyre me votat e dhëna në Asamblenë Parlamentare të KiE”, ka shtuar Hoxhaj.

“Po dëgjoj që ka një përpjekje për ta kushtëzuar me themelimin e Asociacionit anëtarësimin si një kusht i fundit paraprak. Mendoj se është diçka e padrejtë që i bëhet Kosovës duke ditur se i përmbush kriteret. Kjo është një mënyrë se si shtetet e mëdha bëjnë politikat në raport me shtetet e tjera si Kosova. Është një praktikë e zakonshme. Pas këtij ndryshimi të madh gjeopolitik, hapi i radhës duhet të jetë NATO-ja”, ka theksuar ai.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika