Ish-kryeministri japonez, Shinzo Abe, qëllohet teksa mban një fjalim elektoral në Japoni

Policia ka identifikuar një autor të dyshuar të sulmit me armë ndaj ish-kryeministrit japonez, Shinzo Abe. Gjendja e tij akoma nuk dihet

Shinzo Abe teksa dërgohet në spital
Shinzo Abe teksa dërgohet në spital

Ish-kryeministri japonez, Shinzo Abe, është qëlluar të premten përgjatë fushatës për zgjedhjet parlamentare, ku një burrë i armatosur hapi zjarr ndaj tij nga prapa.

Policia ka bërë të ditur se një burrë 41-vjeçar i dyshuar për kryerjen e kësaj vepre në qytetin perëndimor të Narës është arrestuar, transmeton “Reuters“.

Agjencia e lajmeve “Kyodo” dhe “NHK” kanë thënë se Abe, 67-vjeçar, dukej se ishte në një gjendje arresti kardiak kur u transportua me avion në spital, pasi fillimisht kishte qenë i vetëdijshëm.

“Një akt i tillë barbarie nuk mund të tolerohet,” u ka thënë gazetarëve kryesekretari i kabinetit, Hirokazu Matsuno, duke shtuar se Abe ishte qëlluar rreth orës 11:30 të mëngjesit.

Ai ka thënë se nuk e di gjë për gjendjen aktuale të Abe-s.

“NHK” tregoi video të Abe-s duke bërë një fjalim fushate jashtë një stacioni treni, kur u dëgjuan dy të shtëna, pas së cilës pamja u errësua për pak kohë dhe më pas zyrtarët e sigurisë u panë duke ndihmuar një burrë në tokë.

“Në fillim mendova se ishin fishekzjarre”, ka thënë një kalimtar i rastit për NHK.

Policia ka identifikuar autorin e dyshuar si Tetsuya Yamagami, banor në Nara. Mediat thanë se ai kishte shërbyer në ushtrinë japoneze.

Abe shërbeu dy mandate si kryeministër për t’u bërë kryeministri më jetëgjatë i Japonisë, përpara se të jepte dorëheqjen në 2020 për shkak të shëndetit të keq.

Por, atij i ka mbetur një prani dominuese mbi Partinë Liberale Demokratike (LDP) në pushtet, duke kontrolluar një nga fraksionet e saj kryesore.

Mbrojtësi i tij, kryeministri Fumio Kishida, shkon në zgjedhjet e së dielës për dhomën e lartë, me shpresën, thonë analistët, të dalë nga hija e Abe, dhe të përcaktojë postin e tij të kryeministrit.

Kishida pezulloi fushatën e tij zgjedhore, pas të shtënave ndaj Abe-s.

Qeveria ka thënë se nuk ka në plan të shtyjë zgjedhjet, por shumica e partive kryesore ndaluan fushatat e tyre.

Ambasadori i Shteteve të Bashkuara në Japoni, Rahm Emanuel, kishte postuar të premten në rrjetin social, Twitter, duke thënë se ishte “i pikëlluar dhe i tronditur” pas vrasjes së mundshme të Shinzo Abe.

Shija e redaktorit

Fury mposht Chisoran, mbron titullin botëror të peshave të rënda

Boksieri britanik, Tyson Fury, ka mposhtur Derek Chisoran ​​për të mbrojtur titullin e tij WBC, të peshave të rënda. Meçi ka zgjatuar deri në raundin...

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

Më të lexuarat

Kardiologu Çelaj për vdekjen e 17-vjeçarit në fushë: Ne e...

Kardiologu Sulejman Çelaj ka folur për rastin e vdekjes së futbollistit të ‘Trepçës 89, Erion Kajtazi. https://www.dukagjini.com/nderron-jete-ne-fushe-futbollisti-17-vjecar-erion-kajtazi/ Përmes një lidhje direkte në emisionin “Dueli Botëror” në...

Vetëvrasja e Sokol Halili, Policia tregon çfarë gjeti në vendngjarje

I dyshuari për vrasjen e 35-vjeçares shtatzënë ishte vetvrarë të premten, njoftoi Ministri i Brendshëm, Xhelal Sveçla. Raporti 24-orësh i Policisë së Kosovës ka dhënë...

Rrahja e të moshuarës, pritet vendimi i gjykatës për infermieret...

Nën masa të rrepta të sigurisë, e me pranga në duar, ish-infermieret e qendrës për të moshuar “Orenda”, kanë dalur para gjykatës. Pasditën e së...

Të fundit nga rubrika