Sulmuesi kryesor i Francës dhe golashënuesi më i mirë i Kampionatit Botëror 2022, Kylian Mbappe, ka reaguar për herë të parë pas humbjes kundër Argjentinës.
“Ne do të kthehemi”, ishin fjalët e vetme të tij pas lojës dramatike, e cila nga shumëkush po konsiderohet si njëra nga finalet më të mira në histori të futbollit.
Mbappe, shënoi “hatrick” në këtë ndeshje, por që nuk mjaftoi më shumë se ta dërgojë lojën në penalti.
Madje edhe aty, Mbappe u tregua i saktë nga pika e bardhë, për t’u “tradhëtuar”, më pas nga bashkëlojtarët e tij, të cilët i humbën dy penallti radhazi.
Në fund, lojtari francez e mori çmimin e këpucës së artë, si golashënuesi më i mirë i kampionatit.
Sulmuesi francez e kishte fituar kupën e botës në kampionatin e kaluar, ku Franca e kishte mposhtur Kroacinë.