Paulo Dybala është zyrtarisht transferi më i ri në ekipin e Romës si lojtar i lirë në këtë afat kalimtar të verës.
Roma ka shfrytëzuar paqëndrueshmërinë financiare të Interit, i cili pati marrëveshje personale me lojtarin për një kohë të gjatë.
Megjithatë, ekipi i Romës dhe Paulo Dybala kanë arritur një ofertë të kënaqshme për lojtarin, i cili ka vendosur të pranojë transferimin në Olimpico.
Dybala pas përfundimit të testeve mjekësore, është transferuar zyrtarisht në Romë.
“Mirë se vjen Paulo Dybala. Klubi është i kënaqur të konfirmojë nënshkrimin e sulmuesit me famë botërore!”, thuhet në njoftimin e Romës në Twitter.
Kontrata e Paulo Dybala-s është trivjeçare me përfitime sezonale prej gjashtë milionë eurosh duke i përfshirë edhe bonuset.