“Messi ishte gjithçka”.
Kështu ka thënë Laporta për ESPN.
Presidenti i Barcelonës, Joan Laporta ka thënë që shpreson se historia e Lionel Messit me ish-klubin e tij nuk ka përfunduar plotësisht.
“Unë do të shpresoja që kapitulli i Messit të mos ketë mbaruar. Mendoj se është përgjegjësia jonë të përpiqemi të … gjejmë një moment për të rregulluar atë kapitull, i cili është ende i hapur dhe nuk është mbyllur, kështu që rezulton ashtu siç duhet, dhe se ka një fund më të bukur”, ka thënë ai.
Vështirësitë financiare të Barcelonës përpara sezonit të kaluar bënë që klubi nuk mund të përballonte më pagat e Messit dhe ai iu bashkua Paris Saint-Germain në një transferim të lirë pasi kaloi 17 vitet e para të karrierës së tij profesionale me gjigantin katalunas.
Ai tranzicion nuk ishte i qetë për asnjërën palë.
Messi shënoi, gjithsej, gjashtë gola dhe 15 asistime në 26 paraqitje sa kishte në Ligue 1.
Ndërsa Barcelona përfundoi pa trofe duke mos arritur të kalonte në fazën eliminatore të Ligës së Kampionëve dhe përfundoi e dyta në La Liga pas Real Madrid-it.
Pic of the year.
End of an era.
Historical day.Lionel Andrés Messi pic.twitter.com/5zwQAKnwOH
— Fabrizio Romano (@FabrizioRomano) August 8, 2021
Dukej e qartë se Messi nuk donte kurrë të largohej nga i vetmi klub evropian që kishte njohur ndonjëherë, pasi ai u emocionua gjatë konferencës për shtyp që njoftoi largimin e tij verën e kaluar.
“Si president i Barçës, bëra atë që duhej të bëja”, tha Laporta për ESPN. “Por edhe si president i Barçës, dhe në nivel personal, mendoj se ia kam borxh atij”.
Çfarë saktësisht do të thotë kjo është e paqartë.
Barça tashmë ka bërë disa nënshkrime të shkëlqyera këtë verë në pozicionet sulmuese, duke përfshirë sulmuesin, Robert Lewandowski dhe anësorin premtues Raphinia, kështu që duket shumë e pamundur që klubi të bëjë një lëvizje për Messin këtë verë.
Por, argjentinasi ka vetëm një vit të mbetur në kontratën e tij me PSG (me një opsion edhe për një vit shtesë), kështu që ndoshta një ribashkim në të ardhmen nuk përjashtohet.
Ka pasur spekulime se Messi mund t’i bashkohet Inter Miami-t të MLS-së pas përfundimit të kontratës së tij me PSG-në, ndoshta edhe duke u bërë pronar i pakicës në proces.