Prokuroria Themelore në Ferizaj, Departamenti i Krimeve të Rënda, ka kërkuar nga Gjykata Themelore në Ferizaj, caktimin e masës së paraburgimit në afat prej 30 ditësh ndaj të dyshuarit me iniciale A.G, i cili u arrestuar sot për rastin “Fajdeja”.
Lexo më shumë: Arrestohet një person për rastin “Fajdeja”, të dyshuar janë edhe 36 të tjerë
Dyshohet se i pandehuri ka kontraktuar një shumë të pasurisë në këmbim të shërbimit për personin tjetër, duke e shfrytëzuar gjendjen e rëndë financiare të tij.
Në këtë mënyrë, i dëmtuari S.B., është detyruar që të marrë para hua nga i pandehuri A.G., në shumë prej 60 mijë eurove, për të cilat ka paguar fajde në shumë prej 90 mijë eurove.
I pandehuri A.G. dyshohet se më 13 tetor 2022, me qëllim të përfitimit të kundërligjshëm të dobisë pasurore për vete, në bashkëkryerje, kanë detyruar dëshmitarin, të veprojë në dëm të pasurisë së tij.
E me këtë do të kryenin në bashkëkryerje veprën penale “Detyrimi” nga neni 328 paragrafi 2 të KPRK-së.