Politikani serb, Nikolla Sanduloviq, ka bërë të ditur se prapë agjentë të Agjencisë së Inteligjencës së Sigurisë (BIA) me direktivat e presidentit Aleksandër Vuçiq, kanë abuzuar me vajzën e tij, Klarën.
Ai ka bërë të ditur se Klara po mbahet në aeroport dhe nuk po lejohet të fluturojë në Londër.
“Sërish Aleksandër Vuçiq së bashku me BIA-n abuzojnë me vajzën time! Policia e mban në aeroport dhe nuk e lejon të fluturojë për në Londër! Deri kur BE dhe SHBA do ta lejojnë këtë?”, ka shkruar Sanduloviq në X.
Again, Aleksandar Vučić together with the BIA abuses my daughter!The police keep her at the airport and do not allow her to fly to London! How long will the EU and USA allow this?@aliciakearns @albinkurti @VjosaOsmaniPRKS @David_Cameron @guyverhofstadt @EU_Commission @StateDept
— Nikola Sandulovic (@Sandulovic_N) February 5, 2024
Ky abuzim ndaj tij dhe familjes së tij vjen si pasojë e homazheve që kanë bërë në kompleksin memorial “Adem Jashari”, në Prekaz.
Pak javë më parë, politikani opozitar serb, Sanduloviq u maltretua në Serbi për shkak të vizitës në Prekaz. Anëtarë të BIA-s serbe në fillim të janarit arrestuan dhe keqtrajtuan Sanduloviqin, vetëm pse kishte shpërndarë pamjet nga vizita e tij në Prekaz para një viti.
Gjithashtu, për të bërë homazhe në Prekaz ishte edhe avokati i Sanduloviqit, Çedomir Stojkoviq, i cili me t’u kthyer në Serbi u mor në pyetje nga Agjencia e Inteligjencës së Serbisë.
Klara, ngjashëm si babai (Nikolla), u përkul para varrit të Blerina Jasharit dhe kërkoi falje për krimet e shtetit të saj ndaj shqiptarëve.