Spalletti :“Edhe Maradona do të ishte krenar”

Trajneri i Napolit , Luciano Spalletti rikujtoi legjendën e klubit, Diego Maradona , pasi pa skuadrën e tij duke mposhtur Ajax me rezultat 6-1 në Ligën e Kampionëve të martën

Ekipi Napoli, UEFA Champions League





Napoli mposhti ekipin Ajax me një fitore madhështore me rezultat 6-1, gjë e cila i lumturoi fansat e ekipit italian.

Skuadra italiane mbeti prapa në fillim të ndeshjes pas golit rikthyes të Mohammed Kudus, por u përgjigj duke shkatërruar nikoqirët me një paraqitje mbresëlënëse.

“Kemi luajtur një lojë të shkëlqyer. Ne kemi treguar se jemi të aftë. Edhe Maradona do të ishte krenar për ne”, u tha Spalletti gazetarëve pas ndeshjes.

Napoli feston fitoren kunder Ajax në Champions League

Maradona, i cili vdiq në vitin 2020 , nuk është kurrë larg mendjes së tifozëve të Napolit pasi ai frymëzoi klubin në epokën e tij më të suksesshme, raporton CNN.

Spalletti, megjithatë, po përpiqet të mbajë këmbët e ekipit të tij në tokë pavarësisht një fillimi të pamposhtur në Serie A.

“Një ndeshje nuk të ndryshon jetën. Ishte një performancë e shkëlqyer. Është shumë bukur të fitosh, por tani duhet të mendojmë për ndeshjen e radhës.” shtoi ai.

Ndërsa Maradona ishte ylli i gjeneratës së tij, sulmuesi gjeorgjian Kvaratskhelia mund të jetë ylli i këtij brezi.

Khvicha Kvaratskhelia

21-vjeçari, i cili shënoi golin e tij të parë në Ligën e Kampionëve kundër Ajax-it, iu bashkua klubit këtë sezon.

Ritmi i tij dhe dhuntia sulmuese i bëjnë fansat ta krahasojnë me Maradonën dhe që atëherë ai ka fituar pseudonimin ‘Kvaradona’.

“Nuk mund të afrohem me Maradonën, por do të jap gjithçka për të qenë një lojtar i madh për këtë klub”, u tha ai gazetarëve muajin e kaluar.

Napoli ka një shans për të siguruar vendin në fazën eliminuese të Ligës së Kampionëve. Ekipi po përgatitet për ndeshjen e tij të radhës në ligë kundër Cremonese të dielën.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika